Мінула тры гады з часу тэракта ў мінскім метро: хто яны?
11.04.2014 / 09:13
15 чалавек загінулі, больш за 200 было паранена ў найбольшым за апошнія 65 гадоў тэрарыстычным акце на тэрыторыі Беларусі. Шакуючая падзея здарылася 11 красавіка 2011 года на станцыі метро «Кастрычніцкая». Гэта было на золку найбольшага за апошнія гады фінансавага крызісу.
«На «Кастрычніцкай» нешта здарылася», сталі званіць людзі.
Лік ахвяраў узрастаў, у цэнтр з'ехаліся ўсе хуткія дапамогі Мінска.
Вярхоўны суд Беларусі пагадзіўся з вынікамі следства, прызнаў вінаватымі ў тэракце двух маладзёнаў з Віцебска: Дзмітрыя Канавалава і Уладзіслава Кавалёва.
На месца тэракта прыехаў Аляксандр Лукашэнка з сынам. У паветры яшчэ стаяў дым. Лукашэнка асабіста кантраляваў расследаванне.
Смяротны прысуд ім быў неўзабаве выкананы. Канавалаў і яго родныя пасіўна паставіліся да выраку. Кавалёў і ягоныя сваякі, адчайна пратэставалі. Следства вызначыла ягоную ролю як памочніка.
Канавалаў быў інэртны, Кавалёў адчайна даказваў сваю невінаватасць.
Мама Кавалёва стала сімвалам барацьбы супраць смяротнага пакарання.
Частка грамадскасці не пагадзілася з гэтым.
Сапраўды, матывы дзеяння Канавалава і Кавалёва засталіся загадкай. Паводле следства, яны кіраваліся чыста хуліганскімі матывамі.
Насцярожвала, што следства звінаваціла іх таксама ў арганізацыі выбухаў у Віцебску ў 2005 годзе, напярэдадні прэзідэнцкай кампаніі. І ў 2008 годзе — на канцэрце з нагоды 3 Ліпеня, дзе прысутнічаў Лукашэнка.
Расследаванне тых выбухаў суправаджалася масавымі арыштамі дзеячоў апазіцыі і было абодва разы напоўніцу выкарыстанае дыктатарскай прапагандай.
Многія не вераць, што два аболтусы, захопленыя выбухоўкай, маглі шэсць гадоў заставацца незаўважнымі для спецслужбаў.
Вось гэты гопнік з халоднай метадычнасцю планаваў выбухі?
Меркавана, выбух адбыўся прыкладна паміж другім і трэцім вагонам на станцыі «Кастрычніцкая», калі ехаць у бок вакзала. Магчыма, бомба была закладзена пад лаўку, ад якой нічога не засталося. Магутнасць выбуховага прыстасавання складала ад 5 да 7 кг у трацілавым эквіваленце. Яно было начыненае металам.
Пра месца выбуху на станцыі метро «Кастрычніцкая» нагадвае граніт іншага колеру.