«Прыбужжа» — трохразовы чэмпіён Беларусі па жаночым валейболе
Брэсцкая каманда на хатняй пляцоўцы абыграла «Мінчанку».
21.04.2014 / 10:02
Фінальныя гульні адбыліся 19 і 20 красавіка ў брэсцкім спарткомплексе «Вікторыя». Па выніках серыі (3:0) «Прыбужжа» атрымала перамогу над валейбалісткамі са сталіцы. Брэстаўчанкі сталі пераможцамі чэмпіянату краіны трэці раз за сваю гісторыю.
Трэцяе месца ў жаночым чэмпіянаце дасталося «Атланту» з Баранавічаў. За бронзавыя медалі каманда змагалася з мазырскай «Жамчужынай Палесся».