Preventyŭnyja zatrymańni pierad Sacyjalnym maršam
Siońnia ranicaj u metro byŭ zatrymany adzin z zajaŭnikaŭ Sacyjalnaha maršu, namieśnik staršyni «Maładych demakrataŭ» Michaił Paškievič.
02.11.2007 / 12:16
Michaił Paškievič |
Siońnia ranicaj u metro byŭ zatrymany adzin z zajaŭnikaŭ Sacyjalnaha maršu, namieśnik staršyni «Maładych demakrataŭ» Michaił Paškievič. Chłopiec razam sa svaim siabram Źmitrom Kavałhinym raspaŭsiudžvaŭ ahitacyjnyja materyjały da akcyi 4 listapada. Paśla zatrymańnia ich advieźli ŭ UUS metrapalitenu. Siońnia ž u Domie pravasudździa musić adbycca sud.
Nahadajem, što Michaił Paškievič byŭ adnym ź inicyjataraŭ praviadzieńnia Sacyjalnaha maršu na Kastryčnickaj płoščy. Učora maładzion zaklikaŭ usich achvotnych sabracca 4 listapada a 14:00 na Kastryčnickaj płoščy. Niešta padobnaje ŭžo adbyvałasia pierad Eŭrapiejskim maršam. Tady na sutki taksama pasadzili adnaho z zajaŭnikaŭ akcyi — Jaŭhiena Afnahiela.
Taksama stała viadoma, što na stancyi metro «Traktarny zavod» ranicaj byli zatrymanyja Siaržuk Klujeŭ i Mikoła Sierhiejenka. Jany razdavali infarmacyjnyja materyjały da Sacyjalnaha maršu. Usich čatyroch zatrymanych abvinavačvajuć u parušeńni artykułu 23.34 AK «Parušeńnie paradku praviadzieńnia masavych akcyj».
Fota Andreja Lankieviča