Infarmacyja pra toje, što Šumachier vyjšaŭ z komy, nie pacvierdziłasia
25.04.2014 / 18:36
Žurnalisty niamieckaj haziety Bild abvierhli infarmacyju ab tym, što honščyk Michael Šumachier vyjšaŭ z komy, paviedamlaje spartyŭnaja redakcyja Bild u svaim Twitter.
Raniej niekatoryja ŚMI paviedamili sa spasyłkaj na telekanał RTL, što stan honščyka palepšyŭsia i jon navat staŭ paznavać svaju žonku.
«Šumachier vyjšaŭ z komy? Prabačcie, ale hetyja čutki ź Ispanii nie dakładnyja. (Menedžer honščyka Sabina) Kim tolki što dasłała mnie sms, u jakim piša, što nie pacviardžała infarmacyju RTL», — havorycca ŭ paviedamleńni žurnalistki Bild Nikoły Pol.
Šumachier, katajučysia 29 śniežnia 2013 na łyžach u francuzskim Merybiele, upaŭ i stuknuŭsia hałavoj ab kamiani. Honščyk, jakomu 3 studzienia spoŭniłasia 45 hadoŭ, znachodzicca ŭ adnym sa špitalaŭ Hrenobla ŭ stanie štučnaj komy. U pačatku krasavika Kim zajaviła, što jon padaje prykmiety abudžeńnia, paźniej jana paviedamiła, što ŭ jaho stanie nazirajecca prahres.