У Крамлі абверглі інфармацыю пра спыненне кантактаў Пуціна і Абамы
26.04.2014 / 14:51
У Крамлі абвяргаюць інфармацыю аб Нібыта прыпыненні з-за Украіны дыялогу паміж прэзідэнтам Расіі Уладзімірам Пуціным і прэзідэнтам ЗША Баракам Абамам.
«Размовы працягваюцца дастаткова рэгулярна, апошняя была на мінулым тыдні. Зараз вельмі шмат рознагалоссяў. Таму дыялогі вельмі жорсткія бываюць. Але, тым не менш, кантакты ўсё роўна ідуць», — сказаў у інтэрв'ю радыёстанцыі «Эхо Москвы» прэс-сакратар прэзідэнта РФ Дзмітрый Пяскоў.
Раней выданне The Daily Beast паведаміла, што з моманту ўварвання расійскіх войскаў у Крым паміж Пуціным і Абамам адбываліся рэгулярныя тэлефонныя размовы з мэтай дээскалацыі сітуацыі ва Украіне, аднак цяпер кантакты перапыненыя.