Małaščankaŭ z Baranavič strašać adklučeńniem śviatła
Pradprymalnikam, jakija raspaŭsiudžvali «Našu Nivu», kantrakt na arendu pamiaškańnia prypynili z parušeńniem zakanadaŭstva.
02.11.2007 / 18:51
Nahadajem, što baranavickim pradprymalnikam, jakija raspaŭsiudžvali «Našu Nivu», nie praciahnuli damovu arendy pamiaškańnia.
Małaščanki parailisia z praŭnikam i vyśvietlili, što pavodle damovy, układzienaj ź filijałam «Pryjorbanku», pra spynieńnie dziejańnia kantraktu ich musili paviedamić za miesiac. «Ułaśnik pamiaškańnia pavodle damovy maje prava ŭ adnabakovym paradku prypynić kantrakt z nami ŭ vypadku vytvorčaj nieabchodnaści», — kaža Taciana Małaščanka. Adnak pradprymalnikam paviedamili litaralna za niekalki dzion, zahadaŭšy vyzvalić pamiaškańnie. Siońnia im patelefanavała inžyner MTA bankaŭskaha adździaleńnia Žana Karačun, jakaja nahadała ab nieabchodnaści vyzvalić pakoj. Kali Aleh Małaščanka paviedamiŭ joj infarmacyju, atrymanuju ŭ jurysta, to pačuŭ: «Tady my adklučym vam aciapleńnie i elektryčnaść». Paźniej spn. Karačun paprasiła viarnuć joj klučy ad pamiaškańnia, arandavanaha pradprymalnikami.
Ciapier Małaščanki ŭ čakańni. U paniadziełak vyjdzie termin, kali im zhodna rasparadžeńnia inžynera MTA treba budzie pakinuć pakoj u adździaleńni banku.