Prarasijskija bajeviki pierajšli ŭ ataku ŭ Łuhansku, Horłaŭcy, Maryupali, Daniecku
abnaŭlajecca
Šturmaviki rezka aktyvizavalisia ŭviečary suboty.
03.05.2014 / 21:23
Bajeviki razhramili ofis Industryjalnaha sajuza Danbasa — struktury, jakuju ŭznačalvaje hubiernatar Taruta.
U Daniecku šturmaviki zaniali i razhramili ofis Industryjalnaha sajuza Danbasa (ISD). Heta značny fakt: mienavita kiraŭnik ISD Taruta byŭ hubiernataram Danieckaj vobłaści i najbolš aktyŭna dziejničaŭ na karyść zachavańnia adzinstva Ukrainy.
Zachop ISD pavinien byŭ pakazać, što rehijanalnyja elity bolš nie kantralujuć situacyi, što ŭzbrojenyja bajeviki biaruć vierch.
Voś što piša daniecki sajt: «Raźbiŭšy šyby na ŭvachodnych dźviarach, natoŭp pratestujučych uvajšoŭ u budynak. Pierš za ŭsio prychilniki DNR vyviesili z akna budynka svoj ściah.
Asnoŭnaja častka mitynhoŭcaŭ zastałasia stajać na vulicy, padbadziorvajučy krykami «Małajcy!». Redkija supracoŭniki milicyi prachodziać pobač, «nie zaŭvažajučy» pahromu ofisnaha budynka.
Unutry budynka ludzi chodziać pa kabinietach, kryšać ich źmieściva i abstalavańnie.
Z budynka vynosiać arhtechniku, skrynki, ofisnyja kresły i vialikija płastykavyja pakiety. Chtości zachapiŭ butelki z šampanskim. Usim prapanujuć vypić za paśpiachovy zachop budynkaŭ SBU i ISD».
U Maryupali pierastrełki iduć va ŭsim centry horada.
Prarasijskija šturmaviki atakavali roznyja administratyŭnyja budynki.
U Łuhansku šturmujuć vajenkamat.
U Horłaŭcy idzie šturm Addzieła pa baraćbie z ekanamičnymi złačynstvami.
Sutyčki praciahvajucca ŭ Kramatorsku i Słaviansku.
I ŭ Łuhansku, i ŭ Horłaŭcy iduć pierastrełki z vykarystańniem ahniapalnaj zbroi. Zbroju ŭžyvali i napadniki, i abaroncy.
Nahadajem, što ŭ Łuhansku prarasijskija šturmaviki zachapili budynki SBU i abłvykankama, choć u cełym u horadzie praciahvaje funkcyjanavać ukrainskaja ŭłada. Šturmaviki śpiašajucca, bo chočuć pravieści 11 maja «refierendum», jaki b daŭ padstavy dla vychadu sa składu Ukrainy. Dla taho kab abvieścić ličby refierendumu, im treba stvaryć bačnaść poŭnaha kantrolu nad rehijonam.
Šturmaviki vykrali siońnia aktyvista Alaksieja Bidu i Hannu Makravusavu — niekatorych ź lidaraŭ Hramadzianskaha siektara horada, što pajadnoŭvaje patryjotaŭ Ukrainy.
Heta zdaryłasia, kali Biada jechaŭ na dapamohu ŭ atočany vajenkamat.
U Horłaŭcy ŭ budynku Addzieła pa baraćbie z ekanamičnymi złačynstvami pracavali milicyjanty z raniej zachoplenych upraŭleńniaŭ i addziełaŭ.
U Daniecku natoŭp sieparatystaŭ uvajšoŭ u pakinuty supracoŭnikami budynak abłasnoha ŭpraŭleńnia hałoŭnaj ukrainskaj śpiecsłužby — SBU. Achovy tam nie było.
Łuhanskaja i Danieckaja vobłaści — samyja ŭschodnija va Ukrainie, jany składajuć syravinna-pramysłovy rehijon Danbas. Amal 40% nasielnictva tam etničnyja rasiejcy, amal 100% nasielnictva ruskamoŭnyja, 90% hałasavali za Janukoviča.
Nasielnictva Danbasa składaje kala 6 miljonaŭ čałaviek. Pryrodnych miežaŭ u rehijona niama. Jon miažuje z Charkaŭskaj i Zaparožskaj abłaściami, dzie ŭkraincy składajuć absalutnuju bolšaść nasielnictva, a rasiejcaŭ — usiaho kala 20%.
* * *
Ukraincy adbili ataku ŭ Łuhansku, začyščajuć Maryupal, vysadzili desant u Kanstancinaŭcy. Voś što piša miascovy sajt Kanstancinaŭki:
«Za povidomleńniam sajtu Konstantinovka.dn.ua, v rajoni tielevieži visadivsia diesant z dvoch viertolotiv, jdie bij z tieroristami, čuti avtomatni čierhi i vibuchi.
Krim toho, po vśomu mistu čutni postrili. Jak povidomlajuť koristuvači socialnich mieriež, zokriema, strilanina jdie v rajoni tielevieži. Je pierieboji z mobilnim zvjazkom».
U Łuhansku vajenkamat adbiŭ ataku šturmavikoŭ.
Paranieny adzin z sałdat, jaki abaraniajuć budynak.
Videa z Maryupala, dzie Unutranyja vojski sprabujuć vyzvalić zachoplenyja sieparatystami budynki: