Ukraina padtrymlivaje praviadzieńnie Ženievy-2
05.05.2014 / 17:04
Ukraina stanoŭča aceńvaje pierśpiektyvu praviadzieńnia čarhovych pieramoŭ pry ŭdziele pradstaŭnikoŭ z Rasii, JES i ZŠA pa deeskałacyi situacyi va Ukrainie. Pra heta na bryfinhu ŭ paniadziełak u Kijevie paviedamiŭ dyrektar departamienta infarmacyjnaj palityki MZS Ukrainy Jaŭhien Pierabijnis.
«My stanoŭča aceńvajem inicyjatyvy pa praviadzieńniu čarhovaha raunda kansultacyj pamiž bakami Ženieŭskich damoŭlenaściej», — adznačyŭ jon.
Pavodle jaho słoŭ, ciapier adnosna hetaha adbyvajucca intensiŭnyja kansultacyi pamiž usimi zacikaŭlenymi bakami.
«My ličym, što takaja novaja sustreča, u vypadku kali budzie dasiahnuta damoŭlenaść ab jaje praviadzieńni, pavinna adbycca ŭ tym ža farmacie, što i Ženieŭskaja «, — skazaŭ jon.
Jak padkreśliŭ dypłamat, važna, kab padčas praviadzieńnia takoj sustrečy była praviedziena detalovaja acenka vykanańnia ŭsimi bakami Ženieŭskich damoŭlenaściej.
«Akramia taho, pa našym pierakanańni, baki na hetaj sustrečy pavinny zasiarodzić uvahu na pieršačarhovych pryjarytetach, jakija siońnia dali b mahčymaść dla deeskałacyi situacyi. Z našaha punktu hledžańnia, takim pryjarytetam źjaŭlajecca zabieśpiačeńnie praviadzieńnia pazačarhovych vybaraŭ prezidenta Ukrainy 25 maja», — padkreśliŭ Pierabijnis.
U toj ža čas, jak adznačyŭ jon, ciapier pra datu i miesca praviadzieńnia sustrečy kazać rana, adnak, nie vyklučana, što jana moža adbycca da vybaraŭ prezidenta. «Kansultacyi adnosna hetaha praciahvajucca», — skazaŭ dypłamat.