Pucin patłumačyŭ rašeńnie advieści vojski ad ukrainskaj miažy
21.05.2014 / 15:21
Rasijskija vojski, jakija pravodzili vučeńni pablizu zachodniaj miažy Rasii, vyrašyli viarnuć u miescy pastajannaj dysłakacyi, kab paźbiehnuć śpiekulacyj padčas vybaraŭ va Ukrainie. Pra heta zajaviŭ u sieradu, 21 maja, prezident Rasii Uładzimir Pucin.
Pavodle jaho słoŭ, hetaje rašeńnie źviazana z žadańniem «stvaryć dadatkovyja ŭmovy, dobrazyčlivyja ŭmovy vakoł prezidenckich vybaraŭ va Ukrainie», «kab nie było śpiekulacyj nijakich».
Pucin taksama paviedamiŭ ab zatrymańni ŭ Rasii členaŭ ŭkrainskich radykalnych hrupovak.
«My samym uvažlivym čynam nazirajem za ŭsimi ruchami cieła niekatorych radykalnych hrup va Ukrainie, i jość užo zatrymanyja ŭ Rasii», — skazaŭ prezident Rasii. Supracoŭniki FSB, pavodle jaho słoŭ, uvažliva sočać za ich ruchami i va Ukrainie, i kali jany pierasiakajuć rasijskuju miažu.