U Mazyry siamihadovy chłopčyk atrymaŭ mocnyja apioki
22.05.2014 / 14:21
Viečaram 21 maja ŭ Mazyrskuju rajonnuju balnicu byŭ dastaŭleny chłopčyk z apiokami 60% cieła I—II stupieni, vychavaniec starejšaj hrupy dziciačaha sada.
Pavodle słoŭ babuli dziciaci, hulajučy ŭ dvary pryvatnaha doma razam z dvuma bratami, chłopčyk znajšoŭ płastykavuju butelku z reštkami, jak miarkujecca, dyzielnaha paliva. Dzieci raspyrskali jaho pa ziamli, pry hetym častka vadkaści trapiła na adzieńnie dziciaci, i padpalili. U vyniku na chłopčyku zaharełasia adzieńnie, paviedamiŭ BiełaPAN pres-sakratar Homielskaha abłasnoha ŭpraŭleńnia MNS Rusłan Habryloŭ.
U dziciaci abhareła skura šyi, tvaru, tułava, ruk i ściohnaŭ. Chłopčyk znachodzicca ŭ reanimacyjnym addzialeńni ŭ ciažkim stanie.
Dzicia žyvie z babulaj, maci i bratami. U siamji čacviora dziaciej.