Сустрэча Абамы і Парашэнкі: дапамога і заклік да падтрымкі
04.06.2014 / 13:25
Прэзідэнт ЗША Барак Абама і абраны прэзідэнт Украіны Пятро Парашэнка правялі ў Варшаве першую двухбаковую сустрэчу.
Як паведамляе Associated Press, у ходзе перамоў абмяркоўваўся крызіс ва Украіне і шляхі яго ўрэгулявання, а таксама планы па зніжэнні энергазалежнасці Кіева ад Масквы.
Акрамя таго, Абама заклікаў сусветную супольнасць падтрымаць Парашэнку, у тым ліку шляхам дапамогі ў падрыхтоўцы ўкраінскіх сілавікоў і вайскоўцаў.
Пасля сустрэчы было абвешчана, што ЗША выдзеляць Украіне ваенную дапамогу коштам 23 млн даляраў: бронекамізэлькі, прыборы начнога бачання, а таксама дадатковае абсталяванне сувязі на 5 млн даляраў.