Mierkiel: Hiermanija hatovaja biez vahańniaŭ uzmacnić sankcyi suprać Rasii
04.06.2014 / 21:45
Sankcyi suprać Rasii buduć bolš žorstkimi ŭ vypadku eskałacyi kanfliktu va Ukrainie.
Pra heta pierad pačatkam samitu G7 u Bruseli zajaviła kancler Hiermanii Anhieła Mierkiel.
Pavodle jaje słoŭ, adsutnaść dastatkovaha kantrolu miažy (ukrainska-rasiejskaj) dazvalaje pranikać va Ukrainu z rasiejskaj terytoryi bajevikam, jakija destabilizujuć situacyju.
«Kali heta nie spynicca, my biez vahańniaŭ vykarystajem dadatkovyja sankcyi, — zajaviła jana. — Pryncypova važnym źjaŭlajecca vykarystańnie prezidentam Pucinym svajho ŭpłyvu, kab prymusić sieparatystaŭ ustrymacca ad hvałtu i zapałochvańnia, zdać zbroju i spynić zachop administracyjnych budynkaŭ».
Raniej paviedamlałasia, što na samicie G7 u Bruseli 4-5 červienia kiraŭniki dziaržaŭ majuć namier uzmacnić sankcyi suprać Rasii z-za jaje dziejańniaŭ va Ukrainie.