Pucin hatovy razmaŭlać z Parašenkam, pavučaje pierad Narmandyjaj
05.06.2014 / 09:16
Prezident Uładzimir Pucin zajaviŭ, što adkryty da hutarak z usimi zamiežnymi haściami cyrymonii 70-hoddziem vysadki sajuźnickich vojskaŭ u Narmandyju 6 červienia.
«Ja z zadavalnieńniem prymaju hetaje zaprašeńnie i ŭdziačny prezidentu (Francyi) za jaho žest. Ale tam jość i inšyja hości, ja nie źbirajusia ni ad kaho biehać i budu, viadoma, z usimi mieć kantakty», — skazaŭ Pucin u intervju francuzskim SMI, adkazvajučy na pytańnie, ci hatovy jon pahavaryć tam z novym prezidentam Ukrainy Piatrom Parašenkam.
Jon taksama zajaviŭ, što Parašenka moža spynić śpiecapieracyju na ŭschodzie Ukrainy, «u jaho pakul ruki nie vypeckanyja kryvioj».
«Tam idzie karnaja apieracyja centralnych uładaŭ suprać svajho naroda. Heta nie vajna pamiž dziaržavami, heta roznyja rečy… Liču, što ŭ spadara Parašenka jość unikalny šaniec: u jaho pakul ruki vypeckanyja kryvioj, i jon moža prypynić hetuju karnuju apieracyju i pačać pramy dyjałoh sa svaimi hramadzianami na ŭschodzie i poŭdni svajoj krainy», — skazaŭ rasijski prezident.