U Minsku śpiecnaz zatrymaŭ junaha narkadylera na braniravanym «Mersedesie»
dapoŭniena
05.06.2014 / 09:36
Vidavočcy zatrymańnia paśpiašalisia paviedamić, što ŭ rajonie płoščy Banhałor u Minsku adbyłosia zabojstva.
fota Uładzimira Čudziancova, by24.org
«Staić Mercedes u krajniaj pałasie, prabity kulami, pobač ź im trup. Šmat milicyjantaŭ i niejkich ludziej, źbirajuć niešta ź ziamli, da mašyny nikoha nie padpuskajuć», — napisaŭ na haračuju liniju partała Tut.by Mikałaj.
«Padčas śpiecyjalnaj milicejskaj apieracyi, praviedzienaj apieratyŭnikami pa narkahandlu i supraćdziejańniu handlu ludźmi Frunzienskaha RUUS sumiesna z bajcami śpiecpadraździaleńnia «Ałmaz», unačy na płoščy Banhałor pa padazreńni ŭ niezakonnym zvarocie narkotykaŭ zatrymanyja piaciora maładych ludziej», — paviedamili ŭ HUUS Minharvykankama.
Asnoŭny narkadyler, 1997 hoda naradžeńnia, jechaŭ na «Mersedesie». Mašynu zabłakavali milicyjanty na płoščy. Śpiecinstrumientam u aŭto było ŭskryta braniravanaje škło. A kiroŭca i pasažyry (1994-1997 h. n.) byli zatrymany padčas ździełki. U vyniku ŭ ich było kanfiskavana bolš za 20 hramaŭ narkatyčnchy srodkaŭ.
Padčas apieracyi nichto nie paciarpieŭ i ni ab jakim zabojstvie havorki nie idzie.