Parašenka damoviŭsia z Rasijaj pra pačatak pieramoŭ ab urehulavańni kanfliktu
06.06.2014 / 21:13
Novaabrany prezident Ukrainy Piotr Parašenka zajaŭlaje pra damoŭlenaści z Rasijaj ab pryjeździe jaje pradstaŭnika va Ukrainu dla pačatku pieramoŭ pa ŭrehulavańni situacyi.
Ab hetym jon skazaŭ u Francyi.
«Adbyłasia karotkaja sustreča … u farmacie Francyja, Hiermanija, Rasija i Ukraina, dzie my dasiahnuli damoŭlenaściaŭ ab troch rečach: va Ukrainu pryjazdžaje pradstaŭnik rasijski, ź jakim my abmiarkujem pieršyja kroki pa mirnym urehulavańni situacyi i płan, jaki byŭ prapanavany mnoj jak prezidentam i ŭ jakim praduhledžvaŭsia šerah krokaŭ z boku RF i šerah krokaŭ z boku Ukrainy», - paviedamiŭ Parašenka.
«Pakul papiarednie my bačym, što płan moža mieć dobryja šancy na realizacyju», — adznačyŭ jon.
Pavodle jaho słoŭ, nastroj padčas sustrečy byŭ napružanym, ale dobry sihnał — pačatak pieramovaŭ.
«Čakajem u bližejšy čas zajavy ab pryznańni vybaraŭ z boku Rasijskaj Fiederacyi… My pahladzim na pačatak pieramoŭ u niadzielu», — dadaŭ Parašenka.
Inšych detalaŭ, pa słovach Parašenki, baki pakul vyrašyli nie vydavać.
Jak viadoma, prezident Rasii Uładzimir Pucin i Parašenka damovilisia pravieści dvuchbakovuju sustreču dla pošuku šlachoŭ spynieńnia bajavych dziejańniaŭ na ŭschodzie Ukrainy ŭ bližejšy čas.