Дзе ў Мінску здаць энергазберагальныя лямпачкі, батарэйкі і градуснікі
10.06.2014 / 12:08
Вегетарыянства, правільнае харчаванне і бег па раніцах ўжо даўно знайшлі сваіх адэптаў. Іншая справа — здача шкодных адходаў.
Вядома, прасцей закінуць батарэйкі і энергазберагальныя лямпачкі ў смеццеправод і забыцца пра іх. Але мы з вамі людзі цывілізаваныя, а ў гэтым горадзе жыць нашым дзецям і ўнукам. Таму не лянуемся і запісваем адрасы.
Лямпачкі і градуснікі
Энергазберагальныя лямпачкі, як і градуснікі, адносяцца да адходаў, што ўтрымліваюць ртуць, таму іх збіраюць разам. Здаць выкарыстаныя ці старыя лямпачкі і градуснікі можна ў наступных пажарных аварыйна-выратавальных частках раённых аддзелаў па надзвычайных сітуацыях, якіх у межах МКАД 10 штук:
Мінскае гарадское ўпраўленне МНС Рэспублікі Беларусь
вул. Казлова, 26, к. 8
+375 17285 34 76
Завасдкі РАНС
вул. Машынабудаўнікоў, 4
+375 17 345 11
Ленінскі РАНС
вул. Рыбалка, 20
+375 17 227 27 34
Маскоўскі РАНС
пр-т Дзяржынскага, 77
+375 17 272 58 92
Кастрычніцкі РАНС
Магілёўскі тупік, 12
+375 17 224 35 61
Партызанскі РАНС
вул. Баграціёна, 64
+375 17 235 37 32
Першамайскі РАНС
вул. Гінтаўта, 9
+375 17266 27 91
Савецкі РАНС
вул. Чырвоная, 9
+375 17213 32 05
Фрунзенскі РАНС
Бетонны праезд, 33
+375 17208 66 31
Цэнтральны РАНС
вул. Нарачанская, 9
+375 17250 63 54
Супрацоўнік Заводскага РАНС нават запэўніў, што для гэтага не трэба будзе праходзіць праз колы бюракратычнага пекла: прыйшлі, паклалі лямпачку ў кантэйнер — і сышлі.
ЗАТ «Экалогія-121»
Тут гатовыя прыняць энергазберагальныя лямпачкі нават ад фізічных асоб, хоць яшчэ два гады таму такога сэрвісу не было — працавалі толькі з юрыдычнымі. Акрамя таго, калі вы патэлефануеце, каб расказаць пра сваё жаданне здаць адходы, з вамі яшчэ паразмаўляюць, каб даведацца, хто вы і што хочаце здаць. Гадзіны працы: з 9:00 да 17:00. І не забудзьцеся ўзяць пашпарт — гэта абавязковая ўмова пры здачы лямпачак.
Дарэчы: таксама энергазберагальныя лямпы і градуснікі прымаюць у ТАА «Прагрэс» па вул. Інжынернай, 43, аднак працуе дадзеная арганізацыя толькі з юрыдычнымі асобамі.
Батарэйкі
ГУМ, ЦУМ, ГД «На Нямізе», ГЦ «Сталіца»
У ГУМе бэжавую скрыню з пацёртым надпісам «для выкарыстаных батарэек» вы знойдзеце, калі зойдзеце за прылавак, дзе прадаюць наручныя гадзіннікі (2-гі паверх). У ЦУМе зарыентавацца прасцей: аналагічная урна выстаўленая ў сярэдзіне секцыі «Гадзіннікі». ГД «На Нямізе» таксама прапануе выкідаць батарэйкі ў секцыі «тэлерадыётавары» (1-ы паверх).
Дакладна такія ж скрыні вы знойдзеце і ў ГЦ «Сталіца»: адна стаіць на верхнім узроўні каля крамы ELIZ, насупраць кропкі Milavitsa, другая схавалася за банкаматам Belswissbank ля выхаду да гасцініцы «Мінск», трэцюю і чацвёртую знойдзеце каля крамы SERGE і стэнда, дзе прадаюць наручныя гадзіннікі.
Дом прэсы (вул. Хмяльніцкага, 10а)
У Доме прэсы ў скрыні для батарэек практычна нерэальна дабрацца без праблем, бо знаходзіцца яна на 7-м паверсе, так як адносіцца да рэдакцыі «Народнай газеты». Патрапіць унутр Дома прэсы можна толькі па прапусках, за чым пільна сочаць. Так што прасцей прыберагчы батарэйкі да паходу, напрыклад, у тую ж «Сталіцу».
Сетка крам «5 элемент»
Тут таксама гатовыя прыняць выкарыстаныя батарэйкі, але пра сваё гарачае жаданне зрабіць гэта трэба паведаміць кансультантам: яны падкажуць, дзе стаіць урна.
Універсам «Першамайскі» (вул. Русіянава, 7)
Жыхарам Уручча не давядзецца ехаць у цэнтр: у гаспадарчым аддзеле «Першамайскага» таксама можна пазбавіцца ад старых батарэек.
Крамы «Радзівілаўскі» (вул. Л. Украінкі, 22 і ГЦ «Сталіца»)
Скрыні для батарэек тут стаяць не ў самым бачным месцы, аднак асабліва шукаць іх не давядзецца.
Дарэчы: інфармацыя, што батарэйкі прымаюць у крамах «Электрасіла», састарэла: кансультант з кропкі ў ARENA-city сказала, што кантэйнеры ў сетцы даўно прыбралі. Акрамя таго, скрыні для батарэек вы ўжо не знойдзеце і ў гандлёвым доме «Гарызонт» па вул. Куйбышава, 22, хоць раней яны стаялі і там. Затое празрысты кантэйнер з'явіўся ля ўваходу ў гандлёвую залу гіпермаркета Green.