Na fiestyvali aŭtarskaj pieśni ŭ Čalabinskaj vobłaści zahinuli ludzi

14.06.2014 / 23:38

Ilmienski fiestyval aŭtarskaj pieśni, jaki prachodzić pad Miasam (u Čalabinskaj vobłaści) užo 38 hadoŭ, byŭ evakuiravany z-za ŭrahanu.

Urahan na Ilmienskim fiestyvali. Kadr videa Michaiła Piščulina.

Za niekalki hadzin da pačatku ilmienskich fiestyvalu aŭtarskaj pieśni / fota u74.ru

Napiaredadni ŭ Čalabinskaj vobłaści było abvieščana štarmavoje papiaredžańnie, ale na płany arhanizataraŭ fiestyvalu heta nie paŭpłyvała.

U subotu ŭ vakolicach horada bušavała mocnaja navalnica. Padali drevami, pad imi zahinuła niekalki čałaviek, kolkaść achviar ŭdakładniajecca.

Vosiem čałaviek, u tym liku dvoje dziaciej, zahinuli ŭ łahiery ilmienskich fiestyvalu, śćviardžajuć ŚMI sa spasyłkaj na ministra kultury Čalabinskaj vobłaści Alaksieja Biaciechcin.

Miedyki zmahajucca za žyćcio žančyny, jakoj na śpinu pavaliłasia sasna, paviedamlaje rehijanalny kanał «Pieršy abłasny». Pavodle dadzienych «Novaha rehijonu», adno z dreŭ ŭpała na pałatku ź dziećmi.

Paviedamlajecca, što paciarpiełych «dziasiatki»: padajučymi drevami cisnuła pałatki, aŭtamabili, paškodziła aparaturu na scenie. Z-za niepaładak z suviaźziu padčas bury arhkamitet nie moh źviazacca z «chutkaj dapamohaj».

U MNS paviedamili, što kala 23 tysiač haściej fiestyvalu evakuiravali aŭtobusami.

V.a. hubiernatara Čalabinskaj vobłaści Barys Dubroŭski rasparadziŭsia akazać dapamohu svajakam zahinułych i paciarpiełych.

Pavodle newsru.com