Ukraina maje namier padpisać Pahadnieńnie ab asacyjacyi ź JES bližejšym časam
15.06.2014 / 00:16
U subotu, 14 červieni 2014 h., Piotr Parašenka pravioŭ telefonnuju razmovu z prezidentam Francyi Fransua Ałandam. Pad čas razmovy Parašenka padkreśliŭ, što maje namier padpisać Pahadnieńnie ab asacyjacyi Ukrainy ź JES u bližejšy čas i ŭžo addaŭ daručeńnie ab padrychtoŭcy svajho vizitu ŭ Brusel 27 červienia hetaha hoda.
U razmovie Fransua Ałand vykazaŭ spačuvańni ŭ suviazi z trahičnymi padziejami i hibiellu ŭkrainskich vajskoŭcaŭ.
Piotr Parašenka padziakavaŭ prezidentu Francyi za ščyryja spačuvańni i vykazaŭ nadzieju, što ŭ vypadku admovy niezakonnych vajennych farmiravańniaŭ spynić ahoń na terytoryi Ukrainy i praciah dziejańniaŭ, nakiravanych na destabilizacyju situacyi, u tym liku niezakonnaha pierasiačeńnia miažy z boku Rasii, pastaŭki ŭzbrajeńnia, vajennaj techniki i h. d.,
rašeńnie JES ab uviadzieńni siektaralnych sankcyj suprać Rasijskaj Fiederacyi, uklučajučy spynieńnie vajenna-techničnaha supracoŭnictva, pavinna być salidarnym i nieadkładnym, paviedamlaje sajt prezidenta Ukrainy.