Kadr ź filma «Bresckaja krepaść» vydali za fota bambavańnia Danbasa
15.06.2014 / 19:41
Niekalki dzion tamu sacyjalnyja sietki ablacieła fatahrafija, nibyta zroblenaja ŭ adnym z haradoŭ na ŭschodzie Ukrainy. Na joj vyjaŭlenaja maleńkaja zapłakanaja dziaŭčynka, jakaja siadzić na bruku pobač z trupam.
Fota, jakoje paźniej pakazali rasiejskija telekanały, padavałasia ŭ jakaści ilustracyi «źvierstvaŭ ŭkrainskaj armii». Dzicia, vyjaŭlenaje na im, nazyvali «achviaraj bambiožak» ci to Słavianska, ci to Daniecka.
Žurnalisty chutka zmahli znajści aryhinał zdymka. «Achviara bambiožki Danbasa» apynułasia hierainiaj biełaruskaha mastackaha filma «Bresckaja krepaść», kadr ź jakoha rasiejskija prapahandysty vydali za fota, jakoje nibyta było zroblena na ŭschodzie Ukrainy. Film byŭ źniaty ŭ 2010 hodzie.