У Мінску сутыкнуліся вучэбны аўтамабіль і пасажырскі аўтобус
19.06.2014 / 19:11
Дарожна-транспартнае здарэнне з удзелам вучэбнага аўтамабіля «Дэу» і пасажырскага аўтобуса «МАЗ» здарылася 19 чэрвеня на вуліцы Сямашкі ў Мінску.
Як паведамляе ўпраўленне ДАІ ГУУС Мінгарвыканкама, вучэбны аўтамабіль, якім кіраваў пад наглядам майстра курсант адной з аўташкол, рухаўся наперадзе аўтобуса 32-га маршруту і раптам спыніўся ў раёне пешаходнага пераходу. Вадзіцель «МАЗа» не здолеў своечасова адрэагаваць на нечаканы манеўр. У выніку адбылося сутыкненне. Адна з пасажырак аўтобуса, жанчына 1983 года нараджэння, пры падзенні пашкодзіла руку. З папярэднім дыягназам «пералом правага перадплечча» пацярпелую даставілі ў НДІ траўматалогіі і артапедыі.
Прычыны ДТЗ высвятляюцца.