Канчыта Вурст можа даць канцэрт у Маскве ў лістападзе
03.07.2014 / 17:44
Пераможца «Еўрабачання-2014» аўстрыец Томас Нойвірт, які выступае ў вобразе барадатай жанчыны Канчыты Вурст, прадставіць свой новы альбом у лістападзе.
Аб гэтым піша РІА «Новости» са спасылкай на прадстаўніка конкурсу «Еўрабачанне» у Расеі Дзмітрыя Мельнікава.
«Мы вялі доўгія перамовы, але ў Канчыта вельмі шчыльны гастрольны графік, і цяпер яна занятая выпускам новага альбома. Магчыма, яна наведае сталіцу Расіі ў рамках праматура альбома ў лістападзе», - паведаміў Мельнікаў. Ён таксама расказаў, што afterparty удзельнікаў «Еўрабачання» у Расеі было адменена па неназваных прычынах.
Без удзелу пераможцы конкурсу «Еўрабачанне» ўпершыню за апошнія гады пройдзе ў ліпені беларускі музычны фестываль «Славянскі базар» у Віцебску. Як расказаў дырэктар фестывалю Аляксандр Сідарэнка, удзел Нойвірт ў фестывалі не разглядаўся і перамовы з яго мэнэджментам не вяліся.