Узяць бясплатна напракат ровар можна будзе з 11 ліпеня ў Мінску

08.07.2014 / 11:24

Летняя акцыя «Ровар за дзякуй!» стартуе ў Мінску 11 ліпеня, паведамілі БелТА у Групе кампаній А-100.

фота Сяргея Гудзіліна

З 11 ліпеня на цэнтральных праспектах Мінска размесцяцца пункты пракату, на якіх штодня з 10.00 да 22.00 пры наяўнасці пашпарта можна будзе бясплатна ўзяць ровар.

Па суботах двухколавы транспарт бясплатна будуць выдаваць на аўтазапраўках кампаніі А-100. Такім чынам, усяго ў летняй акцыі «Ровар за дзякуй!» задзейнічаюць каля 200 ровараў.