Džoan Roŭlinh napisała satyryčnaje apaviadańnie pra 34-hadovaha Hary Potera
09.07.2014 / 13:48
Brytanskaja piśmieńnica Džaan Roŭlinh, jakaja napisała sieryju knih «Hary Poter» apublikavała novuju historyju pra pastalełaha čaraŭnika na sajcie Pottermore.
Na hety raz Roŭlinh raspaviadaje pra 34-hadovaha Potera, jaki naviedaŭ suśvietnaj kubak pa kvidyšu sa svaimi siabrami Ronam i Hiermijonaj, a taksama ź ich dziećmi.
Tekst napisany ad asoby reparciora Ryty Skitar. Reparcior «Štodzionnaha praroka» paviedamlaje, što Hary Poter ciapier zajmajecca palavańniem na złačyncaŭ čaroŭnaha śvietu. Ron — haspadar kramy čaroŭnych prykołaŭ, a Hiermijona stała kiraŭnikom adnaho z departamientaŭ ministerstva mahii. Varta adznačyć, što novy apovied Roŭlinh maje satyryčny charaktar i źjaŭlajecca satyraj na brytanskija tabłoidy.
Nahadajem, što raniej, paśla vychadu apošniaj knihi sieryi, Roŭlinh śćviardžała, što praciahu nie budzie.
Siem ramanaŭ pra Hary Potera mieli vielizarnuju papularnaść, na 2011 hod u śviecie było pradadziena bolš za 450 miljonaŭ asobnikaŭ, knihi pierakładzienyja bolš čym na 60 movaŭ.