U Mikaševičach chłopiec praź miesiac skončyŭ žyćcio samahubstvam na tym ža miescy, dzie jaho brat
09.07.2014 / 15:11
7 lipienia ŭ Mikaševičach (Łuniniecki rajon), pablizu haražnaha masiva pa vulicy Sadovaj, znojdzieny miortvym 26-hadovy miascovy žychar, jaki 1 lipienia pajšoŭ z domu i nie viarnuŭsia.
«Pravierku pa fakcie źniknieńnia pačaŭ Łuniniecki RAUS, — raspavioŭ Miedyja-Palessiu načalnik Łuninieckaha rajaddzieła Śledčaha kamiteta Juryj Martynkoŭski. — 7 lipienia małady čałaviek znojdzieny paviešanym kala haražoŭ na vulicy Sadovaj».
Niezadoŭha da hetaha, 2 červienia, amal na tym ža miescy, takim ža čynam źvioŭ rachunki z žyćciom rodny brat zahinułaha. Pa słovach baćki, syn vielmi pieražyvaŭ stratu rodnaha čałavieka, nie raz kazaŭ: «Šukajcie mianie, dzie i brata».
Pravierku pa fakcie śmierci pravodzić rajaddzieł Śledčaha kamiteta.