Герб Масквы забароняць выкарыстоўваць у порнафільмах
11.07.2014 / 21:50
Дзяржаўную сімволіку Масквы (сцяг, герб і гімн) забароняць выкарыстоўваць у парнаграфічных матэрыялах. Адпаведны законапраект падрыхтаваў гарадскі Дэпартамент культурнай спадчыны.
kommersant.ru
Згодна з ініцыятывай, пад забарону трапіць выкарыстанне маскоўскай сімволікі ў матэрыялах, якія змяшчаюць «гвалт, жорсткасць», а таксама ў відэазапісах «парнаграфічнага і эратычнага характару».
Адначасова законапраект не дазваляе наносіць герб і сцяг сталіцы на праезную частку і тратуары. Акрамя таго, гарадская сімволіка не павінна звязвацца з ужываннем зняважлівых слоў. У прыватнасці, па палавой, нацыянальнай, узроставай, расавай, прафесійнай і моўнай прыкмеце, а таксама сацыяльным статусе чалавека.