Amierykanski sienatar Makkiejn: Kali Rasija maje dačynieńnie da źbićcia Boinha, nastupstvaŭ budzie nie abiarešsia
udakładniena
18.07.2014 / 15:00
Amierykanski sienatar-respublikaniec Džon Makiejn, adznačajučy, što fakty buduć ustanoŭleny ŭ chodzie rasśledavańnia, zajaviŭ: «Ale kali apyniecca, što heta vynik dziejańniaŭ abo sieparatystaŭ, abo samoj Rasii, jakija pierabłytali jaho (hramadzianski bort) z ukrainskim vajskovym samalotam, ja dumaju, što nastupstvaŭ dla ich nie abiarešsia», — zajaviŭ jon u efiry amierykanskaha telekanała MSNBC, pieradaje ŭłasny karespandent Ukrinforma.
Makiejn padkreśliŭ, što za apošnija niekalki tydniaŭ śviet daviedaŭsia, «čaho čakać ad rasijcaŭ abo prarasijskich apałčencaŭ».
Na sajcie Makiejna źjaviłasia zajava z zaklikam da nieadkładnaj vajennaj padtrymki Ukrainy.
«Heta treba pačać nieadkładna z pradastaŭleńnia zbroi, u tym liku procitankavych i supraćpavietranych vidaŭ zbroi, pra što ŭkrainskaje kiraŭnictva nieadnarazova prasiła. Heta hańba, što administracyja ZŠA pa-raniejšamu admaŭlajecca dapamahčy našym ukrainskim partnioram vajennymi mahčymaściami», — padkreśliŭ Makiejn.