Malaysia Airlines apublikavała dadzienyja pa zahinułych: 189 z 298 — niderłandcy
18.07.2014 / 21:01
Kampanija Malaysia Airlines apublikavała dadzienyja ab hramadzianstvie zahinułych u avijakatastrofie Boinha-777.
Na borcie «Boinha-777» avijakampanii znachodzilisia 189 niderłandskich paddanych, havorycca ŭ zajavie avijapieravozčyka, raspaŭsiudžanaj u piatnicu.
Raniej paviedamlałasia ab 173 pasažyrach ź Niderłandaŭ.
U zajavie avijakampanii taksama havorycca, što nieviadomymi zastajucca nacyjanalnaści jašče čatyroch pasažyraŭ rejsa MH17.
Takim čynam, na dadzieny momant viadoma, što zahinuli 189 paddanych Niderłandaŭ, 43 małazijcy, u tym liku 15 členaŭ ekipaža i dvoje dziaciej, 27 aŭstralijcaŭ, 12 indaniezijcaŭ, u tym liku adno dzicia, dzieviać paddanych Vialikabrytanii, čaćviora hramadzian Hiermanii, čaćviora bielhijcaŭ, troje filipincaŭ, adzin kanadziec i adzin hramadzianin Novaj Ziełandyi.