Polskija hipermarkiety pierajšli na biełaruskuju
Biełaruskija ž pakul nie śpiašajucca.
23.11.2007 / 11:59
Napiaredadni Kalad i Novaha hodu polskija hipiermarkiety suśvietna viadomaj sietki TESCO upieršyniu raspačali rekłamnuju akcyju na biełaruskaj movie.
Admysłova dziela biełarusaŭ u hipiermarkietach TESCO raspaŭsiudžvajucca rekłamnyja praśpiekty «Dla Ciabie, dla Siamji», u jakich pakupnikam nahadvajecca, što chutka śviata Śviatoha Mikałaja, tamu haściej ź Biełarusi čakajuć dobryja źnižki na vendžanyja šprotki ŭ alei, karkavinu śvinuju biez kaściej, usie navahodnija cacki, CD i DVD, ekałahičnyja torby na ŭsio žyćcio, jałavičynu dla smažanki, pyłasosy i inšyja tavary.
Na prośbu Racyi pradstaŭniki hrodzienskaha ruchu «Za Svabodu» pacikavilisia ŭ supracoŭnikaŭ TESCO nakont efiektu ad rekłamy pa‑biełarusku.
«Tak, rekłamny praśpiekt na biełaruskaj movie pryjšoŭsia daspadoby našym naviedvalnikam ź Biełarusi. Amal kožny ź ich z zadavalnieńniem karystajecca bukletam pry vybary padarunkaŭ sabie i svaim siemjam da śviata», — skazała pradavačka TESCO ŭ Sakułcy Małhažata Novak.
Zaznačym, što raniej polskija hipiermarkiety kali i rabili admysłovyja praśpiekty dla pakupnikoŭ z Uschodu, to tolki na rasijskaj movie.