Rasijski sałdat «Ukantakcie»: «Usiu noč dziaŭbli pa Ukrainie» FOTA
23.07.2014 / 20:41
dapoŭniena
Sałdat rasijskaha vojska Vadzim Hryhorjeŭ na svajoj staroncy ŭ sacsietcy «Ukantakcie» apublikavaŭ dokazy ataki terytoryi Ukrainy z boku Rasii.
Tak, Hryhorjeŭ u sieradu, 23 lipienia, a 14:19 apublikavaŭ post «Usiu noč dziaŭbli pa Ukrainie».
Da pasta jon prymacavaŭ dźvie fatahrafii.
Raniej, 19 lipienia jon publikavaŭ fatahrafii razam z kalehami, napisaŭšy, što jany ŭžo dva tydni «ŭ palach niamytyja» znachodziacca na miažy z Ukrainaj.
Fota Hryhorjeva «Ukantakcie» pryviazanyja da karty, i, miarkujučy pa infarmacyi, byli zroblenyja ŭ Matviejeva-Kurhanski rajonie Rasii, paviedamlaje sajt podrobnosti.ua.
Ukraina nieadnarazova fiksavała abstreł svajoj terytoryi z boku Rasiei.
Maskva nie pryznaje svajho ŭdziełu ŭ vajennych dziejańniach na ŭschodzie Ukrainy na baku sieparatystaŭ, roŭna jak i pastaŭki zbroi ŭ rehijon, padkreślivajučy, što supraciŭ ukrainskim siłavikam akazvajuć miascovyja «apałčency».
U toj samy dzień, kala 20.26 akaŭnt Hryhorjeva «Ukantakcie» byŭ vydaleny.
Ale nieŭzabavie internaŭty adšukali «Ukantakcie» akaŭnt jaho adnapałčanina. Staronka Vańka Žarabcova (tak jon sam siabie zavie — nie Ivan, a Vaniok) z Arenburhu taksama ŭtrymivaje foty z harmatami i navat maršrut, jakim padraździaleńnie prybyło z Uładzikaŭkaza da ŭkrainskaj miažy. Jość i supolnyja zdymki z Hryhorjevym.
Podpis pad fota: «Naš maršrut».
Supolnaje fota z Hryhorjevym.