Radźkoŭ: «Biełaja Ruś» hatovaja supracoŭničać z apazycyjaj
Milinkievič: «Spadar Radźkoŭ, na žal, nie vyrašaje surjoznyja pytańni»
23.11.2007 / 15:22
Alaksandar Radźkoŭ |
Alaksandar Milinkievič |
Staršynia praprezydenckaha hramadzkaha abjadnańnia «Biełaja Ruś» Alaksandar Radźkoŭ zajaviŭ pra hatoŭnaść supracoŭničać z apazycyjnymi liderami.
«My majem namier supracoŭničać z usimi zacikaŭlenymi asobami, u tym liku j z apazycyjnymi. Nam cikavaja hetaja dyskusija, sutyknieńnie mierkavańniaŭ. My hatovyja da razmovy i dyjalohu z usimi i z kožnym», — skazaŭ lider abjadnańnia, ministar adukacyi Alaksandar Radźkoŭ u interviju «Narodnaj voli».
U svaju čarhu lider apazycyjnaha abjadnańnia «Za svabodu» Alaksandar Milinkievič uspryniaŭ słovy Radźkova biez asablivaha entuzijazmu.
«Ja dumaju, što ŭłada ciapier u ciažkim stanoviščy, i tamu stanovicca bolš hnutkaj, ale ja pakul baču tolki deklaracyi i nia baču nijakich krokaŭ», — skazaŭ Milinkievič u interviju Eŭraradyjo.
Na dumku Milinkieviča,
«spadar Radźkoŭ, na žal, nie vyrašaje surjoznyja pytańni».
«Ale kali buduć takija prapanovy, ja zaŭsiody budu z zadavalnieńniem sustrakacca. Liču, što dyjaloh vielmi važny», — padsumavaŭ Milinkievič.