Kramy “Duty-free” zastajucca tolki ŭ aeraporcie
23.11.2007 / 18:59
Alaksandar Łukašenka padpisaŭ ukaz ab funkcyjanavańni kramaŭ biazmytnaha handlu, viadomyja va ŭsim śviecie jak “Duty-free”.
Hety dakument dazvalaje raźmiaščać takija kramy vyklučna “u punktach propusku praź Dziaržaŭnuju miažu Respubliki Biełaruś, jakija znachodziacca ŭ aeraportach, adkrytych dla mižnarodnych znosinaŭ”. Da taho ž takija kramy mohuć stvarać albo specyjalnaja słužby “Dypservis” Kiraŭnictva spravami prezydenta, albo jurydyčnyja asoba, zasnavalnikam jakoj źjaŭlajecca “Dypservis”.
Na terytoryi Nacyjanalnaha aeraportu «Miensk» dazvolena mieć try kramy “Duty-free”.
Dapoŭnić śpis punktaŭ propusku praź dziaržaŭnuju miažu, a taksama jurydyčnych asobaŭ – uładalnikaŭ kramaŭ biazmytnaha handlu mahčyma tolki z dazvołu kiraŭnika dziaržavy.
Ekanamist Jarasłaŭ Ramančuk tak prakamentavaŭ novy dakument:
«Kramy “Duty-free” – heta vielmi prybytkovy biznes. I heta, zrazumieła, nadzvyčaj sałodki kavałačak, dla tych, chto maje da jaho dostup.
Novaje rašeńnie daje i novyja mahčymaści dla karupcyi i nieprazrystaści”.