Каля Каралёвага Стану пад Мінскам гарыць тарфянік
06.08.2014 / 09:26
Ратавальнікі ліквідуюць тарфяной пажар каля вёскі Каралёў Стан ў Мінскім раёне, паведаміў дзяжурны МНС Беларусі.
«Торф загарэўся на плошчы 0,2 га поля паблізу вёскі Каралёў Стан ў Мінскім раёне ўчора позна ўвечары. Ноччу працы па тушэнні пажару былі спыненыя, бо іх нельга праводзіць на тарфяніках у цёмны час сутак па тэхніцы бяспекі. Як толькі пачало днець, падраздзяленні аднавілі працу. Прыкладна да 10.00 пажар будзе ліквідаваны», — сказаў дзяжурны.