Kamandzir bataljona «Danbas»: Zdradniki za 70—100 tysiač dalaraŭ «zdajuć» maršruty pieramiaščeńnia
06.08.2014 / 21:01
Fota Darji Rašatniak, Fokus.
Kamandzir bataljona «Danbas» Siamion Siamienčanka zajaviŭ u intervju LIHABiźniesInform, što siarod aficeraŭ ATA jość zdradniki.
«Prablema zdrady isnuje. Viadomyja sumy, jakija vypłačvajucca — $70—100 tysiač za «zdadzieny» maršrut, za kamandu vyjści ŭ vyznačany rajon. Ja nie hatovy nazyvać proźviščy — ja nie kontrraźviedčyk, ja nie viedaju. Ale hetaja prablema isnuje, bo jość rečy, jakija ničym inšym rastłumačyć nielha «, — skazaŭ Siamienčanka.
Pavodle jaho, niekampietentnyja ludzi sustrakajucca i siarod hienierałaŭ.
«Jość realnyja bajavyja hienierały, pracavać ź jakimi pryjemna. A jość niepiśmiennyja idyjoty, jakija zahadvajuć ŭstalavać ściah da peŭnaj daty, zabaraniajuć rabić raźviedku — maŭlaŭ, što tam hladzieć!?» — raspavioŭ Siamienčanka.
Akramia taho, pavodle jaho, bataljon «Danbas», jaki ŭvachodzić u strukturu MUS, adčuvaje niedachop ciažkaha ŭzbrajeńnia z-za taho, što jaho nie choča vydavać Minabarony.
«Chutčej za ŭsio tamu, što nie choča padniać svaju ž*pu. Kožnaja vydača pavinna być u adpaviednaści z zakonam ŭzhodnienaja ŭ inšych instancyjach. Ale heta ŭ mirny čas, a zaraz vajna.
Dumaju, kali b Avtomajdan pryjechaŭ, vydaŭ hetym chłopcam u kabinietach pi***iej, prymusiŭ biehać — usio heta možna było b zrabić za adzin dzień. Dy i ministr abarony taksama moh by pakarać paru razoŭ vinavatych.
Ale pakul što jany siadziać i ničoha nie chočuć rabić «, — raspavioŭ jon.
Siamienčanka dadaŭ, što jość taksama prablema z kaskami i broniekamizelkami, jakija ŭłada taksama nia pieradaje bataljonu.
«Treciaja prablema — vielmi nizkaja zarpłata. Mnie asabista ŭsio roŭna. Ale što takoje dla bajcoŭ 980 hryŭniaŭ?
Voś nam skazali, što pavinny płacić niejkija ATOšnyja 3 tys. hryŭniaŭ. Ale ŭ zakonie hetaha niama, bo tam usio katehoryi uličany, akramia reziervistaŭ. A my i jość reziervisty» — skazaŭ jon.