Расійскі гуманітарны канвой накіраваўся з Варонежа ў Луганск
14.08.2014 / 11:32
Расійскі «гуманітарны канвой» пераначаваў на ваенным палігоне ў Варонежы і ў чацвер раніцай адправіўся ў напрамку Луганска.
Пра гэта паведамляе агенцтва Associated Press.
Паводле паведамлення, калона мае намер перасячы ўкраінскую мяжу ў месцы, якое кантралюецца баевікамі.
Агенцтва адзначае, што такім чынам Расія праігнаравала папярэднюю дамоўленасць што грузавікі прыбудуць у пункт пропуску ў Харкаўскай вобласці, падкантрольны украінскім сілам, дзе іх маглі б праінспектаваць прадстаўнікі Чырвонага крыжа.