Жырыноўскі заявіў, што прыйшоў час ставіць пытанне аб адраджэнні Імперыі, і прапанаваў Пуціну стаць Вярхоўным кіраўніком

14.08.2014 / 13:30

Аб гэтым кіраўнік ЛДПР заявіў сёння ў Ялце, выступаючы перад Пуціным і дэпутатамі Дзярждумы. Тэкставую трасляцыю вядзе тэлеканал «Дождь».

«Выбары наогул не патрэбныя. Гэта прафанацыя», — мяркуе ён.

«Наша эканоміка можа быць толькі мілітарызаваная. Але я не заклікаю да вайны», — сказаў Жырыноўскі.

«Мілітарызацыя, прапаганда — гэта наш шлях».

Жырыноўскі прапануе сцягнуць да межаў Расіі войскі, каб увесь свет баяўся.

Жырыноўскі заклікаў сябраваць з мусульманскім светам і прапанаваў Пуціну новую пасаду — Вярхоўны кіраўнік.

Тэлеканал «Дождь» зазначае, што Пуцін і Мядзведзеў пасміхаюцца.

Жырыноўскі прапанаваў выпускаць з турмаў людзей, каб ішлі бараніць Луганск і Данецк.

«Неужели не могут наши командиры, чужие изорвать мундиры о русские штыки», — прачытаў верш Жырыноўскі.