Dziciačyja sady ŭ novych rajonach Minska buduć raźmiaščacca na pieršych pavierchach damoŭ
19.08.2014 / 16:15
U Minsku prapracoŭvajecca pytańnie ab raźmiaščeńni ŭbudavanych ustanoŭ daškolnaj adukacyi na pieršych pavierchach pry budaŭnictvie žyłych budynkaŭ u mikrarajonach-novabudoŭlach, a taksama adkryćcio siamiejnych dziciačych sadoŭ, haspadarčaraźlikovych hrup, pryvatnych daškolnych ustanoŭ.
Ab hetym išła razmova ŭ čas abmierkavańnia pytańniaŭ zabiaśpiečanaści miescami va ŭstanovach daškolnaj i ahulnaj siaredniaj adukacyi Frunzienskaha rajona Minska z udziełam namieśnika premjer-ministra Anatola Tozika, paviedamili ŭ pres-słužbie biełaruskaha ŭrada.
Na sustrečy byli razhledžany miechanizmy zabiaśpiečanaści miescami dziaciej va ŭstanovach daškolnaj i ahulnaj siaredniaj adukacyi Frunzienskaha rajona i horada ŭ cełym jak za košt budaŭnictva novych ustanoŭ adukacyi, tak i aptymizacyi płoščaŭ u funkcyjanujučych ustanovach adukacyi.
Pavodle infarmacyi Minharvykankama, u biahučym hodzie płanujecca ŭviadzieńnie ŭ ekspłuatacyju dźviuch daškolnych ustanoŭ i adnoj škoły ŭ mikrarajonach Kamiennaja Horka-1 i Kamiennaja Horka-4.
U prajekcie inviestycyjnaj prahramy Minska na 2015 hod u Frunzienskim rajonie zapłanavana budaŭnictva jašče dźviuch škoł i piaci daškolnych ustanoŭ u novych mikrarajonach.
Hetyja mierapryjemstvy daduć mahčymaść stvaryć novyja miescy va ŭstanovach daškolnaj adukacyi, vyrašyć prablemu pieraŭkamplektavanaści ŭstanoŭ adukacyi ŭ rajonach-novabudoŭlach.