Урад Венесуэлы добраахвотна сышоў у адстаўку
19.08.2014 / 10:11
Прэзідэнт Венесуэлы Нікалас Мадура мае намер зрабіць перастаноўкі ва ўрадзе. Яго члены ў поўным складзе склалі ў панядзелак службовыя паўнамоцтвы, адкрыўшы такім чынам шлях для рэарганізацыі выканаўчай улады краіны.
«Дзякую міністрам, якія дэлегавалі мне сёння свае паўнамоцтвы для правядзення неабходных перастановак», - адзначыў прэзідэнт.
Віцэ-прэзідэнт рэспублікі Хорхе Арэаса назваў калектыўную адстаўку кіраўнікоў міністэрстваў і ведамстваў «учынкам сапраўдных рэвалюцыянераў». Выступаючы ў эфіры тэлеканала Venesolana de Televison, ён сказаў, што гэтае рашэнне было ўзгоднена з прэзідэнтам Мадура «для ажыццяўлення плана павышэння эфектыўнасці дзяржаўных органаў і ў мэтах барацьбы з карупцыяй на розных урадавых узроўнях».