Urad Vieniesueły dobraachvotna syšoŭ u adstaŭku
19.08.2014 / 10:11
Prezident Vieniesueły Nikałas Madura maje namier zrabić pierastanoŭki va ŭradzie. Jaho členy ŭ poŭnym składzie skłali ŭ paniadziełak słužbovyja paŭnamoctvy, adkryŭšy takim čynam šlach dla rearhanizacyi vykanaŭčaj ułady krainy.
«Dziakuju ministram, jakija delehavali mnie siońnia svaje paŭnamoctvy dla praviadzieńnia nieabchodnych pierastanovak», - adznačyŭ prezident.
Vice-prezident respubliki Chorchie Areasa nazvaŭ kalektyŭnuju adstaŭku kiraŭnikoŭ ministerstvaŭ i viedamstvaŭ «učynkam sapraŭdnych revalucyjanieraŭ». Vystupajučy ŭ efiry telekanała Venesolana de Televison, jon skazaŭ, što hetaje rašeńnie było ŭzhodniena z prezidentam Madura «dla ažyćciaŭleńnia płana pavyšeńnia efiektyŭnaści dziaržaŭnych orhanaŭ i ŭ metach baraćby z karupcyjaj na roznych uradavych uzroŭniach».