Parašenka i Mierkiel płanujuć sustreču ŭ «narmandskim farmacie»
19.08.2014 / 10:56
Prezident Ukrainy Piatro Parašenka i niamiecki kancler Anhieła Mierkiel abmierkavali pa telefonie kryzis na ŭschodzie Ukrainy, havorycca ŭ paviedamleńni pres-słužby ŭkrainskaha prezidenta.
Piatro Parašenka padziakavaŭ za namahańni va ŭrehulavańni situacyi na Danbasie. U pryvatnaści, za praviadzieńnie čatyrochbakovaj sustrečy ministraŭ zamiežnych spraŭ Ukrainy, Francyi, Hiermanii i Rasii ŭ Bierlinie ŭ minułuju niadzielu.
Lidary taksama abmierkavali mahčymy praciah hetych pieramovaŭ u «narmandskim farmacie» užo na najvyšejšym uzroŭni.
«Surazmoŭcy pahadzilisia, što nastupnym krokam dla znachodžańnia šlachoŭ vyrašeńnia pavinna stać sustreča na najvyšejšym uzroŭni», — havorycca ŭ paviedamleńni AP Ukrainy.
Napiaredadni kiraŭnik ukrainskaha MZS Pavieł Klimkin zajaviŭ, što zaraz viaducca pieramovy, što treba arhanizavać čatyrochbakovuju sustreču kiraŭnikoŭ dziaržaŭ.