Pucin uznaharodziŭ desantnuju dyviziju krymskich «zialonych čałaviečkaŭ»
19.08.2014 / 11:10
Ukaz 571 raźmieščany na aficyjnym sajcie prezidenta Rasii 18 žniŭnia.
76-ja hvardziejskaja desantna-šturmavaja Čarnihaŭskaja Čyrvonaściažnaja dyvizija ŭznaharodžanaja «za paśpiachovaje vykanańnie bajavych zadańniaŭ kamandavańnia i prajaŭlenyja pry hetym asabistym składam mužnaść i hieraizm».
Raniej paviedamlałasia, što mienavita hetaja dyvizija zachoplivała Krym pad vyhladam «vietlivych ludziej».
Jak zajaŭlaŭ kiraŭnik Pskova, dzie bazujecca dyvizija, Ivan Cacerski, pskoŭskija desantniki prymali ŭdzieł u zachopie Kryma. Pra heta jon paviedamiŭ 14 červienia na śviatkavańni Dnia Rasii.
Nahadajem, pieršapačatkova Pucin admaŭlaŭ ŭdzieł rasijskich vajskoŭcaŭ u aneksii Kryma. U siaredzinie krasavika rasijski prezident upieršyniu zajaviŭ, što «za śpinaj sił samaabarony Kryma karektna, ale rašuča i prafiesijna dziejničali rasijskija vajskoŭcy».