Камандзір батальёна «Данбас» Сяменчанка зняў маску ВІДЭА
01.09.2014 / 19:27
Камандзір добраахвотніцкага батальёна «Данбас» Сямён Сяменчанка зняў балаклаву, якая закрывала яго твар падчас публічных выступаў апошнія некалькі месяцаў.
У Днепрапятроўскай абласной бальніцы імя Мечнікава, дзе лечаць камбата «Данбаса», пабывалі прэм'ер Арсень Яцанюк і кіраўнік МУС Арсен Авакаў.
Яцанюк ад імя прэзідэнта Украіны ўручыў Сяменчанку Ордэн Багдана Хмяльніцкага 3-й ступені.
«Калі мы выстаім, калі мы захаваем самакантроль, то мы пераможам. Я ў гэтым нават не сумняюся», - на гэтых словах Сяменчанка зняў балаклаву, якая хавала яго твар.