Bresckija mytniki spynili sprobu ŭvozu ŭ Rasiju partyi śviežych šampińjonaŭ z Polščy
03.09.2014 / 16:20
Supracoŭniki apieratyŭna-pošukavaha addzieła i addzieła pa baraćbie z kantrabandaj Bresckaj mytni va ŭzajemadziejańni z milicyjaj spynili sprobu niezakonnaha ŭvozu ŭ Rasiju bujnoj partyi śviežych šampińjonaŭ.
Jak paviedamili u pres-hrupie mytni, 27 žniŭnia padčas śpiecyjalnaha mierapryjemstva ŭ Pinskim rajonie na aŭtadarozie Kobryn — Homiel byŭ spynieny vielikahruzny aŭtamabil «Volva», jakim kiravaŭ hramadzianin Polščy, vadziciel-ekśpiedytar adnoj z rasijskich firm. U vyniku nadhladu paŭpryčepa było ŭstanoŭlena, što ŭ Rasiju pieramiaščajecca 17,2 tony śviežych šampińjonaŭ.
Vadziciel pakazaŭ tavarasupravadžalnyja dakumienty na hruz i fitasanitarny siertyfikat, zhodna ź jakim krainaj pachodžańnia hryboŭ zjaŭlajecca Makiedonija, što nie ŭvachodzić u sankcyjny śpis krain, uvoz tavaraŭ ź jakich na terytoryju Rasii zabaronieny.
U čas pravierki supracoŭniki mytni ŭstanavili, što faktyčna kraina pachodžańnia šampińjonaŭ — Polšča, a tavarasupravadžalnyja dakumienty vydadzienyja adnosna inšaha tavaru, uviezienaha raniej u Biełaruś i realizavanaha na ŭnutranym rynku.
U suviazi z transparciroŭkaj tavaru z parušeńniem ustanoŭlenaha zakanadaŭstvam paradku mytniaj pačaty administracyjny praces pa č. 4 art. 12.17 KoAP.
Šampińjony koštam bolš za 500 młn. rubloŭ kanfiskavanyja. Na «Volva» takoha ž koštu nakładzieny aryšt.