Ministr kultury RF admoŭna vykazaŭsia pra ideju pazbavić Makareviča dziaržuznaharod
03.09.2014 / 18:42
Ministr kultury RF Uładzimir Miadzinski niehatyŭna vykazaŭsia ab idei pazbaŭlać dziejačaŭ kultury dziaržuznaharod za ich vykazvańni i ŭčynki.
«Staŭlusia da hetaha admoŭna», — zajaviŭ jon, kamientujučy prapanovu deputata Dziarždumy Jaŭhiena Fiodarava pazbavić uznaharod muzykanta Andreja Makareviča paśla kancertaŭ va Ukrainie.
«Uručeńnie ordenaŭ i miedaloŭ maje asablivaje simvaličnaje značeńnie, i ja b nie staŭ stavić tak pytańnie — niekaha niečaha pazbaŭlać», — rastłumačyŭ ministr. Na jaho dumku, «značna strašniej siońnia — pazbavicca pavahi ludziej, čym pazbavicca miedaloŭ». «Voś pra heta treba dumać ludziam, kali jany robiać niekatoryja palityčnyja zajavy — pavahi ludziej jany pazbaŭlajucca», — padkreśliŭ jon.