Ukrainskija tankisty źniščyli bazu bajevikoŭ na zavodzie ŭ Daniecku VIDEA
03.09.2014 / 21:38
Pavodle dadzienych aŭtaraŭ videarolika, na im momant paśla vybuchu ŭ Kujbyšaŭskim rajonie, pasiołak Harniak.
«Byli čutnyja załpy, paśla zjaviŭsia bieły dym u baku vajennaha zavodu», — havorycca ŭ paviedamleńni.
Učora paviedamlałasia, što pad Danieckam źniščany zavod bojeprypasaŭ, kantralavany rasiejcami.
Pra heta raspavioŭ viadomy hramadski aktyvist i žurnalist Ihar Łucenka na svajoj staroncy ŭ «Fejsbuku».
«Try dni tamu tankist Miša pad Danieckam źniščyŭ dziejučy zavod bojeprypasaŭ, kantralavany rasiejcami, — piša Łucenka. — Irvanuła tak, što spačatku padumali ab vybuchu taktyčnaj jadziernaj bomby».
«Pavinny być dziesiatki zabitych vorahaŭ, kali nie sotni, — adznačaje jon. — Tym nie mienš, pra heta nie čuvać u SMI. Vajskovaja bryhada, jakaja dasiahnuła hetaha pośpiechu, padobna, nie ličyć hety fakt hodnym ahałoski — a darma».