Кэмеран: ЕС увядзе санкцыі, нягледзячы на перамір'е
05.09.2014 / 20:19
Еўрапейскі саюз увядзе новыя санкцыі супраць Расіі, нягледзячы на заключанае сёння пагадненне аб спыненні агню.
Пра гэта заявіў прэм'ер-міністр Вялікабрытаніі Дэвід Кэмеран падчас саміту НАТА ва Уэльсе, паведамляе EUobserver.
У той жа час, паводле яго слоў, калі перамір'е сапраўды будзе доўжыцца, санкцыі могуць быць адмененыя.
«Будзьце ўпэўненыя — санкцыі будуць, як і планавалася», — сказаў Кэмеран.
Нагадаем, еўрапейскія СМІ паведамілі, што Еўрапейскі саюз мае намер узгадніць новыя эканамічныя санкцыі супраць Расіі ў пятніцу, аднак адкладзе іх імплементацыю.