U Biełarusi ŭvodzicca novy ŭzor pracoŭnaj knižki
10.09.2014 / 23:53
Takoje rašeńnie źmiaščajecca ŭ pastanovie Ministerstva pracy i sacyjalnaj abarony №40, jakaja ŭstupaje ŭ siłu paśla jaho aficyjnaha apublikavańnia.
Pastanovaj vyznačany ŭzor pracoŭnych knižak, a taksama zacvierdžana instrukcyja ab paradku ich viadzieńnia.
Jak adznačyli ŭ Minpracy i sacabarony, novy ŭzor pracoŭnaj knižki ŭtrymlivaje tyja ž častki, što i ciapierašni, adnak likvidavanyja niedakładnaści, dapuščanyja ŭ raniejšym uzory.
Błanki pracoŭnych knižak i ŭkładyšaŭ da ich uzoru respublikanskaj pracoŭnaj knižki 1995 hoda, jakija majucca ŭ najmalnikaŭ, pa-raniejšamu sapraŭdnyja. Najmalniki vydatkavali ŭ svoj čas peŭnyja hrašovyja srodki na ich nabyćcio i mohuć karystacca imi nadalej.
Instrukcyja ab paradku viadzieńnia pracoŭnych knižak zacvierdžana ŭ novaj redakcyi. Karekciroŭki, uniesienyja ŭ hetuju instrukcyju, ŭličvajuć praktyku raboty kadravych słužbaŭ.