U 40% rabotnikaŭ u Biełarusi zarobak mienšy za $500

30.09.2014 / 13:03

Siaredniaja zarpłata ŭ 12 087 arhanizacyjach składaje mienš čym 5 młn. biełaruskich rubloŭ, śviedčać danyja aficyjnaj statystyki.

U hetych arhanizacyjach pracuje prykładna 1,27 młn. čałaviek. Śpisačnaja kolkaść rabotnikaŭ usich jurydyčnych asob, uličanych aficyjnaj statystykaj, składała ŭ žniŭni 3,21 młn. čałaviek.

Takim čynam, zarpłatu mienš čym 5 młn. biełaruskich rubloŭ u žniŭni atrymlivali amal 40% rabotnikaŭ. 

U žniŭni, pavodle aficyjnaj statystyki, siaredniaja zarpłata ŭ Biełarusi skłała 6,36 młn. rubloŭ i ŭpieršyniu źniziłasia ŭ 2014 hodzie ŭ paraŭnańni z papiarednim miesiacam.

Źnižeńnie zarpłat u žniŭni ŭ paraŭnańni ź lipieniem adbyłosia va ŭsich rehijonach: u Minsku i Bresckaj vobłaści — na 2,3%, u Homielskaj — na 1,8%, Mahiloŭskaj — na 1,5%, Hrodzienskaj — na 0,6%, Viciebskaj — na 0,3%, Minskaj — na 0,03%. 

BiełaPAN