BATE ŭsio toj ža! Bliskučaja pieramoha nad «Atletykam» – 2:1
30.09.2014 / 23:36
Paśla razhromnaha projhryšu ŭ Portu stała modna pisać «BATE ŭžo nie toj». I šmat tłumačeńniaŭ čamu kamanda ŭ Lizie čempijonaŭ šancaŭ nie maje, a ŭsie astatnija matčy prajhraje, kali nie ź likam 0:6, to blizka kala hetaha.
Fota Siarhieja Zinina.
Matč druhoha tura Lihi čempijonaŭ suprać «Atletyka» ź Bilbaa (Ispanija) pasaromieŭ skieptykaŭ. BATE prademanstravaŭ uzorny futboł. Chiba što ŭ słavutaj sustrečy ź miunchienskaj «Bavaryjaj» było niešta padobnaje. I ŭžo ŭ pieršaj sustrečy hrupavoha raŭnda na «Barysaŭ-Arenie» dasiahnuŭ zasłužanaj pieramohi.
Pieršy hoł zabiŭ Dzianis Palakoŭ, jaki idealna padścieražyŭ dalokuju stojku paśla vuhłavoha ŭ vykanańni Maksima Vaładźko. Hetuju pieradaču vielmi dobra padkarektavaŭ Mikałaj Sihnievič, jaki byŭ u barysaŭcaŭ na vastryni ataki.
Uvohule, varta zaŭvažyć, što BATE vyjšaŭ na hulniu bieź lidaraŭ. Traŭmavany kapitan Dźmitryj Lichtarovič, a miesca ŭ centry paŭabarony niečakana zaniaŭ małady Jaŭhien Jabłonski. Zamiest Radzivonava ŭ napadzieńni źjaviŭsia Mikałaj Sihnievič. A rolu atakujučaha paŭabaroncy zaniaŭ Alaksandr Karnicki.
Karnicki byŭ najlepšym na poli ŭ składzie BATE. Futbalist, jaki amal ceły siezon pravioŭ u ciani u vieraśni vyjšaŭ na aptymalnuju formu. Jon udała dyryžyravaŭ atakami svajoj kamandy, a taksama vykonvaŭ pracu i ŭ abaronie.
Tamu absalutna spraviadliva, što druhi hoł zabiŭ mienavita jon. Nie abyšłosia bieź nievialikaha rykašeta. Dla bramnikaj Irajsasa heta byŭ vielmi niepryjemny ŭdar – 2:0.
Adbyłosia heta za čatyry chviliny da śvistka na pierapynak. Zdavałasia, treba vytrymać hetyja imhnieńni i pajści na adpačynak z kamfortnaj pieravahaj. Ale Aryc Aduryz skaraciŭ pieravahu – 2:1.
U druhim tajmie BATE mieŭ mnostva šancaŭ pavialičyć pieravahu. Samaje hałoŭnaje, što kamanda nie stała pryciskacca da svaich varot, šukać ščaścia na hulni pa ŭtrymańniu liku. Častaja biada biełaruskich kłubaŭ, što fizična jany sastupajuć supiernikam, ale heta nie pra hety matč. U BATE ŭsio było jak maje być.
Na apošnich chvilinach Jermakovič navat vypuściŭ na pole druhoha napadajučaha – Vitala Radzivonava. U adnym z momantam jamu krychu nie chapiła chutkaści, kab vybiehčy adzin na adzin.
U cełym BATE ŭpeŭniena davioŭ matč da pieramohi – 2:1. Nastupny matč 21 kastryčnika na «Barsaŭ-Arenie» suprać danieckaha «Šachciora». Chočacca vieryć, što na hetym matčy budzie anšłah.