Łukašenka prapanavaŭ kiraŭnikam SND «pahavaryć pa-mužčynsku»
10.10.2014 / 13:05
Pra heta kiraŭnik biełaruskaj dziaržavy zajaviŭ, vystupajučy na pasiadžeńni Savieta kiraŭnikoŭ dziaržaŭ SND u Minsku.
«Na žal, niaredka možna pačuć śćviardžeńni ab bieśpierśpiektyŭnaści SND jak intehracyjnaj struktury. Biełaruś nieadnarazova vykazvała svoj punkt hledžańnia, nie biez krytyki, z nahody važnaści dla ŭsich nas SND», — skazaŭ jon.
Jon padkreśliŭ, što «prysutnaść na siońniašnim pasiadžeńni amal usich kiraŭnikoŭ dziaržaŭ krasamoŭna paćviardžaje žyćciazdolnaść SND». «Nam usim nieabchodna arhanizacyja, jakaja abjadnoŭvaje. Nadyšoŭ čas adkryta pa-mužčynsku pahavaryć pra dalejšy los Sadružnaści», — skazaŭ Łukašenka.