Ukraina moža źniać mastacki film pra vajnu na Uschodzie
17.10.2014 / 22:21
Ministerstva abarony Ukrainy płanuje da śniežnia pravieści pieramovy z amerykanskimi režysiorami adnosna stvareńnia poŭnamietražnaha filma pra antyterarystyčnuju apieracyju ŭ Danieckaj i Łuhanskaj abłaściach.
Kadr z «Kožnaha z nas».
Pra heta žurnalistam skazaŭ u čaćvier daradca ministra abarony Ukrainy Alaksandr Daniluk, paviedamili ŭkrainskija ŚMI.
Jon nie vyklučyŭ, što stvaralnikam filma stanie režysior Mark Rejmand Uiłkinz, jaki razam sa svajoj hrupaj źniaŭ rolik dla sacyjalnaj rekłamy ŭkrainskaj armii pad nazvaj «Kožny z nas». Dahetul, adnak, Uiłkinz zdymaŭ, zhodna z dadzienymi IMDB, tolki karotkamietražki.
Rolik, zrobleny Uiłkinzam na vałanciorskich pačatkach, byŭ vykładzieny ŭ internet učora.
U 2010 hodzie amierykanski režysior Reni Charlin źniaŭ film «5 dzion vajny» pra rasiejska-hruzinskuju vajnu 2008 hoda. Pieršy rasiejski mastacki film pra hetuju ž vajnu «Alimpiŭs Infierna» byŭ zrobleny ŭžo ŭ kancy 2008 hoda, jašče adzin — «Žnivień. Vośmaha» — u 2012 hodzie.